Partizani: FSHF, mjaft me rezultate të telekomanduara!

"Nuk do bëhemi asnjëherë vegël e askujt, për asnjë arsye"

Partizani nuk e ka kaluar në heshtje faktin që është penalizuar nga gjykimi në ndeshjen e luajtur të martën ndaj Kukësit. Një gol i rregullt i anuluar dhe një 11-metërsh në favor të të kuqve kanë detyruar zyrtarët e kuq të dalin në një deklaratë për mediat, në...

Partizani nuk e ka kaluar në heshtje faktin që është penalizuar nga gjykimi në ndeshjen e luajtur të martën ndaj Kukësit. Një gol i rregullt i anuluar dhe një 11metërsh në favor të të kuqve kanë detyruar zyrtarët e kuq të dalin në një deklaratë për mediat, në të cilën denoncojnë veprimet e arbitrave dhe kujtojnë se ata nuk do të bëhen asnjë palë me asnjë. Deklarata e plotë

Një ditë pas ndeshjes Partizani - Kukësi, jemi më të qetë dhe shfaqim pamjet e rasteve të diskutueshme të ndeshjes Partizani - Kukësi. Gjithkush është i lirë të japë opinionin e vet, madje do donim që edhe këtë "moviolë" ta bënte sërish vetë arbitri i kësaj sfide, meqë FSHF u përkujdes që arbitri i ndeshjes Partizani - Skënderbeu ta bënte vetë moviolën e ndeshjes, i sugjerojmë që edhe këtë radhë të bëjë të njëjtën gjë3 Meqë moviolistët e ekraneve shqiptare janë të gjithë punonjës në FSHF, presim me qetësi dhe maturi sqarimet për:

a) Golin e anuluar, kur Ekuban është dukshëm në pozicion të rregullt.

b) Kartonët e munguar të Shametit ( dy raste, asnjë karton).

c) Faullet e munguar në rastet e Trashit apo Bardhit gjë që nuk ndodhnin në rastet e kundërshtarëve.

d) Kartonin e dytë të verdhë të Allës ( karton i kuq) kur duheshin edhe 30 minuta të përfundonte ndeshja.

e) Goditjet e këmbëve të Trashit dhe Azubel si mund të cilësohen nga moviolistët që të tilla goditje na i kanë servirur si 11-metërsha javë të kaluara?

f) Shtyrja e Ekuban apo qoftë edhe e Pejiç brenda zonës si mund të cilësohen?

Jemi në pritje të "superstarit" të radhës në ekran për të na sqaruar këto raste të diskutueshme 3 Ndryshe, Federata Shqiptare e Futbollit duhet të na sqarojë në mënyrë institucionale përse këto raste të diskutueshme në ndeshjet ndaj rivalëve direkt janë në dëm të FK Partizanit.

Nuk jemi ndër klubet që ankohemi për gjykimin në një ndeshje të vetme. Por, ajo kundër Kukësit ishte "dënimi" i radhës që uniformat e zeza po nxijnë mbi lodhjen dhe meritën e futbollistëve tanë. Prej 14 javëve, të paktën

pesë prej tyre janë vendosur nga gabimet e arbitrave në dëm të Partizanit. Ky reagim vjen si nevojshmëri për të evituar "telekomandimin" e rezultateve nga arbitrat.

Nëse këto veprime lidhen me mendimet dhe opinionet

e shprehura haptazi dhe publikisht nga presidenti Gaz Demi, që nuk i shkojnë për shtat institucionit të futbollit, ju bëjmë me dije se emri i FK Partizanit nuk mund të përdhoset në këtë mënyrë. NE do të kemi vendimin tonë. Gjithçka që

themi e bëjmë është në shërbim të përmirësimit të imazhit dhe drejtësisë në futbollin shqiptar. Ne si klub kemi ndërmarrë një rrugë në të cilën mund të jemi edhe të vetëm, por jemi të vetëdijshëm që kërkojmë të drejtën dhe transparencën

që në jo pak raste ka munguar.

FK Partizani nuk do të bëhet kurrë, në asnjë moment, "vegël" e askujt dhe për asnjë arsye. Jemi një klub që kërkojmë të luhet në Shqipëri një futboll "i shëndetshëm" dhe kur të jetë i tillë nuk do të mungojnë fjalët e mira, por kur ka padrejtësi dhe nuk ka transparencë FK Partizani, patjetër që do të ngre zërin e tij, zë i cili përfaqëson një "Klub Legjendë" të futbollit shqiptar, një tifozëri që i kalon kufijtë zyrtarë të Republikës së Shqipërisë.

Jemi në pritje të një reagimi zyrtar nga FSHF-ja, Departamentit të garave, Sektorit të Arbitrave, apo ndonjë komisioni teknikogjykues. FK Partizani ndëshkohet çdo javë: me kartonë ( lojtarët), me gjoba ( klubi), me penalizime ( tifozët), duam të dimë ndëshkimin kur këto gabime bëhen (me ose pa dashje) nga ana e institucionit që ka marrë përsipër të zhvillojë një garë futbolli të ndershme3

Në respekt të gjithë mbështetësve të tij, por edhe gjithë opinionit sportiv shqiptar, FK PARTIZANI.