Tirana s’ia del, maqedonasit një makth
Bardheblutë të tretët, sfida tjetër me Sutjeskën
Tirana në basketboll për meshkuj ka de butuar me humbje në sallën sportive "Farie Hoti" të rikonstruktuar në Ligën Ballkanike 72-63 nga maqedonasit e Feni Industries. Ndryshe nga përballja e parë e fituar me diferencë të thellë në Shkup, dje skuadra mike rrezikoi kur shifrat shkuan në - 6 pikë. Bardheblutë aktualisht ndodhen në vendin e tretë, me 3 fitore dhe 4 humbje në Grupin B. Skuadra mike bëri diferencën në finalizimet për 3 pikë me protagonist Petrovskin me 6 të tillë, ndërsa nga tanët konkretizuan Shima ( 2), Rame ( 2), Xhonson ( 2), Karaj ( 1) dhe Hysenagolli (1). Pikëshënuesi më i mirë ishte Gerti Shima me 20 pikë, kurse për maqedonasit ishte Ceshkoviç me 14 pikë. Skuadrat kanë fituar nga dy perioda, respektivisht maqedonasit dy të parat që përcaktuan edhe takimin 27- 8 dhe 21-14, ndërsa dy të dytat janë fituar nga Tirana 21-11 dhe 20-13.
Ndeshja - Perioda e parë loja nis keq për të zotët e shtëpisë që zgjedhin të mbrohen, ndërsa rivalët tentojnë nga distanca ku janë efikasë thuajse në 100 për qind të gjuajtjeve. E çelin ndeshjen Petrovski e Ceshkoviç, të cilët shënojnë nga 2 kosha për tropikë. Feni merr shumë shpejt avantazhin 10- 0. Në këtë moment vijnë edhe pikët e para për bardheblutë me auto amerikanin Rame për 3 pikë. Kur rezultati regjistron 3-15 kemi ndërprerje të lojës, pasi do të "inaugurohej" koshi duke i hequr ambalazhimin. Më pas ka rinisur loja pas 3 minutash ndërprerje. Feni fiton periodën e parë thellësisht 27-8, një diferencë tepër e madhe që sfumon optimizmin e vendësve. Në periodën e dytë është përsëri skuadra maqedonase lider në parket, e cila nuk resht me goditjet nga distanca dhe saktësia është perfekte ku spikat Stajikj me 2 trepikësha. Reagimi i Tiranës vjen me Gjyzelin dhe Laskun. I saktë tregohet edhe Rame nga distanca, por që edhe kjo periodë ka për fitues ekipin mik, 21-14. Kështu pjesa e parë e takimit mbyllet 48- 22 për maqedonasit
Pjesa e dytë - Në periodën e tretë, skuadra jonë luan më e mobilizuar, teksa ka shënuar 8 pikë radhazi, njëherësh nis rikuperimin e
pikëve me Rame, Xhonson dhe Hysenagolli, të cilët elektrizojnë sallën sportive duke ngjallur shpresat e tifozërisë. E kështu ndodhi vërtet, pasi perioda fitohet nga Tirana 21-11. Entuziazmi rritet në radhët e bardhebluve dhe ngushtojnë shifrat tashmë në tetë pikë. Në këtë pjesë loje, Shima, Rame, Lasku dhe Karaj i japin zemër skuadrës. Por, pikërisht në momentin më të mirë të Tiranës, dy gabime të Karajt në pasim dhe në gjuajtje, si dhe pasaktësia e Rames bëjnë që skuadra maqedonase të marrë përsëri situatën nën kontroll. Skuadra maqedonase menaxhon epërsinë e arritur në fillim për ta mbyllur takimin me sukses 72- 63 e duke thyer Tiranën, e cila vinte pas 6 fitoresh radhazi.