Ventura: Varet nga Shqipëria kualifikimi ynë

Trajneri i Italisë: Ndeshja më e vështirë

Trajneri i kombëtares italiane të futbollit, Xhampiero Ventura, ka qenë dje për një vizitë në Palermo, qyteti ku do të zhvillohet ndeshja e 24 marsit për kualifikueset e Kupës së Botës "Rusi 2018" mes "axurrëve" dhe Kombëtares shqiptare të drejtuar nga De Biazi. Në një prononcim për sajtin zyrtar të klubit të Palermos, ai e cilësoi ndeshjen Itali-Shqipëri si ndeshjen më të vështirë të të gjithë edicionit kualifikues. Sipas kreut të përfaqësueses së Italisë, pjesëmarrja e sa më shumë tifozëve italianë në stadium do të jetë vendimtare, pasi për të kualifikimi në vend të parë në grup kalon pikërisht nga kjo përballje. Stadiumi - Sipas trajnerit të Italisë, në Palermo është një stadium ku tifozëria vendëse është shumë mbështetëse. "Uroj që faktori fushë të ndihet në këtë stadium. Sa herë që kam luajtur në Palermo si kundërshtar më ka bërë gjithmonë përshtypje ngrohtësia e publikut në stadium. Do të ishte shumë bukur nëse Palermo do të na jepte një dorë në këtë drejtim. Kjo do të jetë ndeshja më e vështirë e të gjithë grupit", ka deklaruar Ventura. Kualifikimi - Për numrin një të pankinës "axurre", fitorja me Shqipërinë është e vështirë, por vendimtare për objektivat e skuadrës së tij. "Nëse nuk mundim Shqipërinë, atëherë bëhet e vështirë të shpresojmë të kalojmë grupin në vendin e parë. Në këtë pikë, një fitore në Spanjë nuk do të na shërbente më. ItaliShqipëri është ndeshja më e rëndësishme e këtyre dy

E zhvillojmë në Palermo sepse Palermo ka treguar gjithmonë dashuri të madhe ndaj kombëtares. Shpresoj që kjo ndeshje të jetë një ogur i mirë edhe për klubin që nuk po kalon një periudhë edhe aq të lehtë dhe po ndjek mbijetesën", tha Ventura.