“Zgjohet” Higuain, Juvja e para
“Pipita” zhbllokohet pas 4 minutash agjerim, Rugani mbyll ndeshjen, Dibala shkel fushën
Do të jetë një fund javë e gjatë në sh tëpinë bardhezi. Në fundjavë vjen derbi, të hënën shorti i 1/ 8- ave të Champions-it dhe pa dyshim që emocionet do të jenë nga ato të fortat. Gjithsesi, në të mirë a në të keq, duke parë shpërndarjen e vazove, Juventusi bën detyrën dhe kualifikohet si e parë e grupit, pas një suksesi 2-0, i cili i ngjasoi më shumë një stërvitjeje luksi, sesa një ndeshjeje të vërtetë, por duke hedhur sytë përreth sheh se Reali i Madridit, Bajerni i Mynihut apo edhe Mançester Siti nuk janë ende të kolauduara sa për t'u dukur të pathyeshme. Por në pritje për të njohur kundërshtarin e radhës, Juventusi kalon pa shpenzuar shumë energji Dinamon e Zagrebit dhe nga ndeshja e djeshme, trajneri Masimiliano Alegrii merr edhe dy lajme pozitiveQ rikthimin te goli i Gonzalo Higuainit dhe rikuperimin e Paulo Dibalës. Vetëm Juvja në fushë
Bardhezinjtë konfirmojnë modulin me Pjaniçin pas shpatullave të Higuainit dhe Manxukiçit, të cilët nisin të krijojnë raste për gol që në sekondat e para dhe tentojnë përgjatë të gjithë ndeshjes. Kjo, sepse kroatët duket qartë se nuk kanë dozën teknike dhe impaktin fizik për të provuar t'i kundërpërgjigjen të zotëve të shtëpi. Rugani merr frenat e mbrojtjes, ndërsa Markizio shpërndan topa me breshëri dhe saktësi, prandaj Pjaniçi, i cili ishte zhveshur nga detyray mbrojtësi hynë në aksion duke koleksionuar 5 tentativa për gol, vetëm në pjesën e parë (8 në total gjatë gjithë ndeshjes). Por Juventusi nuk shënon në pjesën e parë, sepse Higuain duket ende pak i ngurtë, duke gabuar një gol gjysmë të bërë, ndërsa në tentativat e tjera ishte portieri Livakoviç që tregohet shumë i zoti, por ndoshta edhe shumë me fat, sidomos ndaj Manxukiçit, ndonëse as sulmuesi bardhezi nuk dukej në formën e tij më të mirë. Gjithsesi, në pjesën e dytë trajneri Alegri vendos të korrigjojë disa gjëra në "lodrën" e tij gjithçka nis të lëvizë në drejtimin e duhur dhe kaq mjafton që të vijë goli i parë. Takimi zhbllokohet nga ai që të gjithë prisnin, Gonzalo Higuain. Pasi Lemina vendos të ndërrmarrë një inkursion që do të kishte zili edhe një regbist, duke çarë mes
tre vetëve, argjentinasit i serviret me shumë fat një top në hyrje të zonës dhe "Pipita" nuk mendohet dy herë, por godet fortë dhe saktë. Juventusi zhbllokon ndeshjen në të 52- ën, ndërsa Higuain zhbllokohet pas 418 minutave që nuk shënonte. Pas avantazhit, takimi bëhet shumë i lehtë për torinezët, të cilët vendosin ta mbyllin sfidën e
tyre në të w3-ën, kur Rugani me kokë godet saktë në rrjetë pas një goditje këndi dhe kaq mjafton që Dinamo të dorëzohet. Në fund, të vetmin emocion e dhuron rikthimi në fushë i Paulo Dibalës, që ndez stadiumin sikur të kishte shënuar, prandaj më bukur se kaq nuk mund të përfundonte kjo fazë grupesh në Champions.