Në fundjavë pritet miqësorja e fundit

Pas kthimit nga Turqia, Partizani do t'i vijojë përgatitjet në kryeqytet, seanca të cilat do të mbahen si zakonisht në kompleksin "Tirana Internacional" në Pezë. Në Antalia, ekipi zhvilloi tri miqësore dhe përgatitjet dimërore pritet që të mbyllen këtë fundjavë me një tjetër test. Ende nuk është përcaktuar se kush do të jetë kundërshtari i radhës. Për këtë pritet që të vendoset sot, ku pa dyshim do të jetë trajneri Starova ai që do të vendosë për karakterin e kundërshtarit që do të ketë përballë. Gjasat janë që përballë skuadrës së Starovës të jenë të rinjtë e kuq, ose Partizani B. Ndërsa pas kësaj jave, ngarkesa do të jetë më e ulët dhe puna do të fokusohet te ndeshja me Luftëtarin.