Fantazisti Rroca, i etur: Rikthehemi më të fortë
Mesfushori do pikë ndaj Partizanit, trajneri Milinkoviç pret afrime
Luftëtari nga sot do të nisë përgatitjet për takimin hapës të fazës së tretë, atë ndaj Partizanit. Të ndërgjegjshëm se do t'u duhet punë dhe përkushtim përballë kësaj skuadre, gjirokastritët janë të prirë për të dhënë më të mirën e mundshme. Një prej futbollistëve, që beson te pikët kundër të kuqve, është edhe Eduart Rroca. Fantazisti, pasi ka hedhur pas dëmtimin, është i gatshëm për të dhënë kontributin e tij për fanellën e bluzinjve. "Më vjen mirë që kam hedhur pas krahëve dëmtimin që më ka mbajtur larg fushës së blertë. Me përkushtimin tim, si dhe ndihmesën e stafit mjekësor, ia kam dalë të rikuperohem plotësisht. Ditët e qëndrimit në Antalia, ku kryem minifazën përgatitore, më kanë shërbyer mjaftueshëm për të arritur kondicionin Është zyrtarizuar miqësorja e kësaj fundjave mes Tiranës dhe Luftëtarit. Ndeshja do të luhet të shtunën, në orën 14:00, në stadiumin "Selman Stërmasi". Ky duel do të trajtohet si provë gjenerale prej trajnerit Mirel Josa dhe Mlladen Milinkoviç, pasi më datë 28 rinis zyrtarisht kampionati. Gjirokastritët do të vijnë në kryeqytet për t'u ndeshur me Partizanin, ndërsa Tiranën e pret Teuta në Durrës. Bluzinjtë kanë moralin e lartë pas fitoreve në tokën turke, ndërsa bardheblutë duan të sigurojnë fitoren e parë për këtë vit.
e duhur fizik. Me aktivizimin si titullar kundër Botosanit dhashë shenja se jam i gatshëm për nisjen e fazës së tretë. Në Turqi, ekipit i janë bashkuar futbollistë të rinj, të ardhur nga merkatoja, por me kalimin e kohës ata do të kenë më shumë
kohë për t'u ingranuar me grupin", u shpreh Rroca. 24vjeçari është pa dyshim një ndër pikat më të forta të mesfushës, gjë të cilën e konfirmoi edhe në miqësoren kundër Botosanit, teksa shënoi një nga tre golat e fitores. Rikthimi i tij në formacion do të thotë më shumë "frymëmarrje" në mesfushën e Luftëtarit.
Merkato - Drejtuesit e klubit dhe stafit teknik po vazhdojnë punën për afrimin e prurjeve të reja. Përderisa merkato e dimrit është një dritare e hapur, te Luftëtari bashkë me nisjen e përgatitjeve do të bëhen dhe prezantimet e afrimeve. Duket se drejtuesit gjirokastritë nuk kanë ndër mend të heqin dorë nga përforcimi i skuadrës me elementë cilësorë. Është trajneri Mlladen Milinkoviç, i cili, pas ndeshjes së parë miqësore, kur Luftëtari arriti të fitonte 4-3 ndaj kazakëve të Ordabasit, theksoi se: "Luftëtari ka nevojë për afrime të tjera, pasi ka pak lojtarë në dispozicion. Me këta futbollistë nuk mund të përballohet kampionati, ndaj dhe jemi të vendosur për të afruar lojtarë të tjerë". Deri më tani, klubi ka konfirmuar tre afrime. Pavarësisht rrjedhës së merkatos, ku bilanci zyrtar flet për më shumë dalje sesa prurje, në Gjirokastër të gjithë besojnë se pjesa e dytë të sezonit do të jetë më shumë se dinjitoze. Tomor Shehu