Axhenda Skuadra rikthehet sot në Shkodër

Vllaznia do të rikthehet sot në Shkodër duke u dhënë fund përgatitjeve në Ulqin, të cilat nuk rezultuan shumë pozitive për skuadrën e Cungut. Përveçse nuk luajtën asnjë miqësore me ndonjë prej ekipeve malazeze dhe u detyruan të stërviten më shumë në ambiente të mbyllura për shkak të reshjeve të borës, një pjesë e mirë e lojtarëve u sëmurën edhe me grip. Mbrojtësi Ditmar Bicaj ka lënë para kohë grumbullimin për t'u rikthyer në Shkodër që të kalojë gjendjen në të cilën ndodhej. Gjithashtu të sëmurë janë edhe kapiteni Shtubina, Bardulla, Vecaj e Djepaxhia. Trajneri Cungu shpreson që lojtarët të jenë sa më parë në dispozicion të tij.