Shenaj drejt largimit, priten tri përforcime
Skuadra e Shkumbinit mbetet e fokusuar në merkato pasi kërkon me çdo kusht që të ruajë ecurinë pozitive të arritur gjatë pjesës së parë të merkatos. Drejtuesit teknikë të klubit janë duke vëzhguar me kujdes të gjitha opsionet e mundshme në mënyrë që të afrojnë futbollistë, të cilët realisht mund të bëjnë diferencën me futbollistët aktualë si dhe që të mund të përshtaten me grupin e drejtuar nga trajneri Branica. Mirëpo ekipi i Shkumbinit mund të humbë shërbimet e mesfushorit me shumë eksperiencë, Fejzo Shenaj. Mësohet se gjirokastriti mund të largohet nga ekipi peqinas për arsye familjare. Nëse largohet Shenaj, peqinasit janë të detyruar që të afrojnë një zëvendësues në mesfushë, rol të cilin e kryente më së miri Shenaj falë eksperiencës së tij. Shkumbini bëri një paraqitje shumë të mirë në pjesën e parë të kampionatit. Fatmir Ahmeti