Fierakët Apolonia, tre lojtarë në provë

Apolonia po vazhdon me qetësi e intensitet të lartë përgatitjet në kuadër të pjesës së mbetur të kampionatit. Sot, fierakët do të luajnë miqësoren e radhës ndaj Besës ku pritet që të provohen edhe 2-3 futbollistë. Deri tani, klubi ka afruar vetëm mesfushorin Qemal Mustafaraj. Megjithatë, në takimet miqësore që skuadra do të zhvillojë këtë periudhë, do të provohen disa lojtarë. "Askush nuk duhet ta paragjykojë Apoloninë. Ajo është një skuadër e fortë me kualitete dhe pse me lojtarë të rinj në moshë që mezi po presin të shpërthejnë. Do të shihni një ekip të fortë", shprehet mesfushori i skuadrës Taulant Hysenshahaj. Synimi i skuadrës janë një prej tre vendeve të para. Mikel Mbriçaj