Largimet Titullarët braktisin Sopotin
Sopoti nisi dje përgatitjet për pjesën e dytë të kampionatit. Por, në seancën e parë të librazhdasve u vunë re shumë mungesa. Disa prej titullarëve si Bejte, Bifshaj, Sykaj dhe Mitraj duket se do të largohen nga skuadra. Sykaj këto ditë ka dalë në stërvitje me durrsakët e Teutës, ndërsa të tjerët ende nuk kanë zgjedhur ekipet e tjera. Për Mitrajn interesi është i madh nga disa skuadra, por duket se kontrata me Sopotin e ka penguar deri më tani. Ndërkaq, klubi është në krizë financiare dhe kjo ka sjellë edhe largimin e administratorit Andi Matraxhiu. "Jap dorëheqjen për arsye personale", u shpreh Matraxhiu për gazetën. Ledion Qoshku