Afrimet Mamurrasi tenton dy mesfushorë

Mamurrasi vazhdon të jetë aktiv në këtë merkato janari. Pranë skuadrës ka shumë gjasa që të rikthehet mesfushori Denis Myrta që ishte pjesë e ekipit një sezon më parë. I ati i lojtarit, Kujtim Myrta, që bën edhe rolin e menaxherit për të birin, ka folur me presidentin Ded Ndreca dhe sipas të gjitha gjasave lojtari do të veshë sërish fanellën mamurrzake. Nga ana tjetër, mësohet se edhe një tjetër mesfushor mund të përforcojë skuadrën në pjesën e mbetur të kampionatit. Bëhet fjalë për Klejdi Jazaj. Pritet që të dy lojtarët të shihen në stërvitje dhe në ndeshje miqësore dhe më pas të vendoset përfundimisht për ta. Synimi i skuadrës është mbijetesa në Kategorinë e Parë. Ahmet Zani