"Ta harrojmë Fiorentinën, duam sërish trofe"
Klaudio Markizio kërkon të shkundë veten, por edhe të gjithë skuadrën, pas humbjes kundër Fiorentinës. Mesfushori bardhezi shpreson që disfata në "Artemio Franki" të jetë shkëndija për të reaguar edhe më fort: "Nuk kam dyshime se ne kemi një organikë të rëndësishme dhe me cilësi të mëdha. E dimë që ajo ndaj Fiorentinës nuk ishte një paraqitje e bukur, përkundrazi, por tani është e kotë që të qajmë dhe të gjithë duhet të shohim përpara. Duhet të jemi gjithmonë gati për të reaguar dhe për t'u përmirësuar, sepse pres shumë nga 2017-ta. Çfarë? Atë që shpresojnë shokët e mi dhe tifozët, të gjitha trofetë për të cilët garojmë".