Antonio Konte dhe Diego Kosta bëjnë paqe
Antonio Konte dhe Diego Kosta kanë bërë më në fund paqe. Sulmuesi është rikthyer në stërvitje me skuadrën të martën. 28-vjeçari u përfshi në një sherr me trajnerin në lidhje me gjendjen fizike. Sulmuesi këmbëngulte se ai nuk mund të stërvitej për shkak të një dhimbjeje në shpinë, por për stafin mjekësor dhe trajnerin ai nuk kishte asnjë problem, çka solli përplasjen dhe lënien e tij jashtë ndeshjes me Leiçesterin. Tani ai mund të rikthehet në fushë kundër Hullit. Megjithatë, menaxheri i tij, Zhorge Mendez, udhëtoi drejt Kinës për të dëgjuar ofertën e çmendur të Tianjin Quanjian, por i tha klubit të Kanavaros se lojtari nuk lëviz deri në verë.