"Më kërkuan në Kinë, aty merr fund karriera"

Një ditë më parë, u zyrtarizua rinovimi i kontratës së tij edhe për një vit me Bajernin dhe Arjen Roben ka zbuluar se shumë skuadra kineze kanë kërkuar transferimin e tij. Mesfushori holandez u ka bërë apel të gjithë futbollistëve të rinj që të mos pranojnë transferimin në Kinë. "Jam shumë i lumtur që do të vazhdoj të luaj për Bajernin dhe dua të tregoj që kam refuzuar oferta të ndryshme nga Kina. Mendoj se transferimi në këtë kampionat është diçka shumë e gabuar, sepse aty të shkatërrohet karriera. Madje, nuk i kuptoj disa lojtarë të rinj që kanë zgjedhur ta vazhdojnë karrierën në Kinë. Dua të vazhdoj të luaj sa mundem në nivele të larta", ka thënë mes të tjerash Roben.