Zamer: Hënes ka sjellje të rrezikshme, Bajerni pa rivalë

“Uli ka përgjegjësi sociale, s'fiton gjë me luftë”

Matias Zamer është prezantuar si bler ja e re e televizionit "Eurosport" për sezonin e ardhshëm. Ai do jetë ekspert i Bundesligës së bashku me gazetarin Jan Henkel. Në një intervistë për këtë televizion, ish-drejtori sportiv i federatës gjermane dhe i Bajernit sulmon dhe kritikon ashpër sjelljen e presidentit Uli Hënes si dhe del në përfundim se bavarezët nuk kanë rivalë në garën për titull.

Zamer, riktheheni si ekspert tek "Eurosport". Si ndiheni dhe a u mërzitët që u larguat nga Bajerni?

Unë ndihem shumë mirë. Nuk kam më probleme shëndetësore. Zgjodha të rikthehem për të qenë aktiv mes sportit. Më pëlqen shumë profesioni që zgjodha. Do komentoj dhe analizoj çdo fundjavë ndeshjet e kampionatit. Besoj se do jetë diçka e bukur. Jam i kënaqur dhe i lumtur që e mbylla me Bajernin. Në jetë ka edhe gjëra të tjera veç futbollit. Isha shumë i ngarkuar. 7 ditë në javë dhe 24 orë në ditë i angazhuar. Nuk doja të punoja më. Isha i angazhuar çdo ditë me stafin drejtues, mjekët, lojtarët dhe analizat në video. Me Hënesin dhe Rumenigen, Bajerni gëzon stabilitet.

Si i gjykoni sulmet e Uli Hënesit ndaj Dortmundit dhe Lajpcigut?

Ai është rikthyer me shumë energji. Nuk më takon mua të peshoj fjalët e tij, por nuk bëhet çdo gjë me luftë. Uli Hënes ka edhe përgjegjësi sociale dhe këtë nuk duhet ta harrojë. Kjo është e rrezikshme dhe nuk i shkon aspak konkurrencës. Nuk mund të sillen në këtë mënyrë me njëri- tjetrin. Duhet të kenë kujdes. Unë mendoj se krerët e klubeve janë elita e shoqërisë dhe kanë ndikim të drejtpërdrejtë në shoqërinë tonë. Kështu që mbartin indirekt një përgjegjësi të veçantë.

Vlerësimi juaj për punën e Ançelotit këto 6 muaj...

Ashtu si me Guardiolën, edhe me Ançelotin kemi një ndryshim të filozofisë së lojës. Prandaj ka nevojë për kohë. E parë nga një këndvështrim i jashtëm, nuk ka qenë kohë fantastike, por rezultatet janë të mira. Nuk ka krahasime mes tyre, pasi që të dy janë shumë të suksesshëm. Shoh që Ançeloti i ka dhënë stabilitet skuadrës.

Ka pasur luhatje në anën taktike, por si lojtarët dhe trajneri duhet të mësohen me njëri-tjetrin. Kam përshtypjen se kanë pasur kohën e mjaftueshme për t'u përshtatur. Jam i bindur që këtë vit do të jenë më rezultativë dhe më të organizuar.

A ka konkurrentë Bajerni në garën për titull?

Jo. Bajerni është shumë i fortë. Kanë ekip dhe trajner me eksperiencë si dhe organikë të gjerë. Askush nuk mund t'ua rrëmbejë titullin. Besoni te tripleta?

E kam dëgjuar shpesh këtë megasukses. Edhe vitin e

kaluar dëgjoja Hënesin që priste tre trofetë nga Guardiola. E kam quajtur absurde, pasi e tillë ishte. Bajerni kishte 117 vite që nuk fitoi tre trofetë. As Bajerni i Gerd Mylerit dhe Uli Hënesit nuk arriti të korrte atë sukses. Ëndrra e tripletës së dytë vazhdon. Unë shpresoj dhe u uroj ta fitojnë Champions-in. Bajerni ka organikë cilësorë, por mos harroni që konkurrenca është shumë e lartë. Ançeloti ka një detyrë të vështirë dhe nëse do ketë në gatishmëri gjithë skuadrën, do ketë shanse.

Ishte vendimi i duhur rinovimi i kontratës së Robenit?

Pa diskutim. Roben është i jashtëzakonshëm dhe shumë i rëndësishëm. Rrallëherë kam njohur një lojtar aq profesionist. Arjeni ka 7 vite në Mynih dhe është shndërruar në figurë identifikuese. Ishte një vendim logjik.

Posti i drejtorit sportiv është shumë i ngarkuar. Edhe Hansi Flik dha dorëheqjen. Si e shpjegoni këtë largim?

U surprizova nga vendimi i tij. Flik bëri një punë shumë të mirë. Megjithatë duhet respektuar arsyeja e tij. Horst Hrubesh është personi i duhur për ta zëvendësuar.