"Fanatics"-at ndezin arenën sportive
Nga sekonda e parë dhe deri në fundin e ndeshjes së djeshme mes Tiranës dhe shkupjanëve të Karpos Sokoli qindra tifozë të grupimit "Fanatics" nuk reshtën së mbështeturi skuadrën e tyre të zemrës. Prania e madhe e tyre në sallën sportive "Farie Hoti" ka elektrizuar jo pak atmosferën duke u dhënë edhe kurajë basketbollistëve bardheblu. Interesant ishte fakti se në fillimin e periodës së tretë grupimit të tifozëve iu bashkua edhe mbrojtësi i skuadrës së futbollit, Gentjan Muça. Për t'u "kamufluar", Muça u fsheh mes tifozëve dhe i mbuluar me kapuç në dorë. Me gjithë eliminimin, tifozët e përcollën skuadrën mes duartrokitjeve.