Dorëzohet Josa: Nuk pres shumë nga merkato
"Pjesërisht i kënaqur nga faza, dy javë kohë për afrimet"
Mirel Josa nuk pret shumë nga kjo merkato. Fill pasi ka zbritur në Rinas, trajneri i Tiranës ka bërë "bilancin" për 10 ditët e përgatitjeve në Antalia, por edhe për afrimet e munguara. Gjatë deklaratës së dhënë për mediat, numri një i pankinës së kryeqytetasve ka sqaruar se ai pret lojtarë që t'i shërbejnë menjëherë ekipit dhe jo elementë pa përgatitjen e duhur fizike, sikundër ndodhi me moldavin Petru Leuka. Në mbyllje, Josa komentoi edhe derbin në avion. Trajneri evidentoi se ata janë miq dhe nuk sheh kurrfarë problemi nëse kjo marrëdhënie e mirë mund të zgjasë edhe në fushë.
Josa, si përfunduan ditët turke, me sukses?
Më mirë do të flas të enjten. Më ka lënë dy shije kjo fazë. I kënaqur jam me lojtarët që janë stërvitur që nga fillimi dhe u janë përgjigjur seancave përgatitore. Ana tjetër, negative, lidhet me ardhjen me kompletimin e vonshëm të grupit. Ky është një problem që më shqetëson.
A do t'ju kushtëzojë ky fakt?
Kushtëzon në përgatitjet individuale të çdo lojtari dhe rrjedhimisht ndikon te forma e skuadrës.
Po në përcaktimin e formacionit tip a do të ndikojë? Këtë do ta shohim. Tirana ka qenë shumë e vakët në këtë merkato dimri, në sulm ende nuk është gjetur "bomberi" që ju prisni...
E thashë edhe kur u nisëm për në Turqi, që do të tregohemi të kujdesshëm, pasi janari është shumë i vështirë për të gjetur të duhurit. U munduam që të gjejmë, nuk na doli siç pritej. Lojtari (i refADELA
erohet moldavit Leuka) kishte cilësi dhe nuk mund t'ia mohoj, por nuk kishte përgatitje fizike. Por ne duam lojtarë që të na shërbejnë në mënyrë imediate. Megjithatë, le të shpresojmë, pasi kemi edhe dy javë kohë.
A besoni se mund të gjeni
të duhurin deri në mbyllje të tregut të shitblerjeve?
Unë personalisht nuk pres shumë. Do përqendrohem që të rris gjendjen e lojtarëve që kemi momentalisht në përbërje, por po na doli ndonjë gjë e mirë, do ta marrim.
Si shkoi derbi në avion...?
Ne jemi miq, pastaj ne ishim edhe me Flamurtarin në të njëjtin avion.
Mos do ta ruani miqësinë edhe në fushë?
Nuk ka asnjë lloj problemi nëse e ruajmë edhe në fushë.