Predesku do 10-ën, klubi refuzon
Drejtuesit e kanë hequr nga përdorimi uniformën e ish-kapitenit Bledi Shkëmbi
Skënderbeu ka arritur akordin duke zyrta rizuar mesfushorin Kornel Predesku si afrimin e parë në merkaton e janarit. Rumuni, pas një jave në provë te bardhekuqtë, ka arritur të bindë drejtuesit dhe stafin teknik në bazë të aftësive të tij duke u shfaqur si një lojtar i rëndësishëm për ndërtimin e aksioneve dhe një zëvendësues ideal i ishkapitenit Bledi Shkëmbi. Por arritja e akordit mes lojtarit dhe klubit bardhekuq ka kaluar edhe një moment "debati" në lidhje me numrin që ai do të mbajë në fanellë. Që kur Predesku u konfirmua si lojtar duke filluar nga Gloria Bistria në Rumani, 29-vjeçari ka mbajtur gjithmonë numrin 10 në shpinë. Një gjë të tillë për herë të parë e ka bërë në sezonin 2007- 2008 në debutimin e tij me ekipin rumun të Gloria Bistrias pas transferimit nga Dinamo e Bukureshtit. Më tej Predesku e ka "trashëguar" këtë numër edhe tek Astra Ploiesti në sezonin pasardhës si dhe te Panduri në sezonin 20132014. Pas një shkëputje nga numri i tij i preferuar në momentin kur udhëtoi në Poloni, Predesku rikthehet te 10ta e tij në transferimi te Qipro, me ekipin e Aris Limosol. Madje, edhe pas rikthimit për herë të fundit në Rumani, tek Akademika Cliceni, sërish ka zgjedhur të mbajë numrin 10 në fanellë.
Kërkesa - Një gjë të tillë Predesku, tashmë i "fiksuar" pas numrit 10, ka vendosur ta kërkojë edhe te Skënderbeu, duke ua parashtruar si kusht drejtuesve të klubit në momentin e nënshkrimit të
kontratës. Predesku ka kërkuar që në një nga pikat e kontratës të përcaktohej edhe numri 10 në fanellën e tij duke qenë se për momentin nuk është i zënë nga asnjë lojtar. Por një gjë të tillë klubi i Skënderbeut e ka kundërshtuar menjëherë. Burime
pranë klubit bardhekuq bënë me dije për "Panorama Sport" se pasi rumuni ka kërkuar numrin 10 te bardhekuqtë, drejtuesit i kanë shpjeguar se ky numër momentalisht është jashtë dispozicioni, pasi klubi e ka revokuar atë përkohësisht në nder të ishkapitenit
Shkëmbi me të cilin korçarët kanë fituar 6 tituj radhazi. Sigurisht që pasi lojtari i ri i korçarëve ka mësuar historikun e numrit 10 të bardhekuqve nuk ka këmbëngulur dhe tashmë i duhet të zgjedhë një tjetër numër që ta ketë në fanellë
gjatë qëndrimit të tij te skuadra e Skënderbeut.
Reagimi - Ndërkohë, në faqen zyrtare të klubit në "Facebook", një tifoz ka shkruar se nëse Predesku është vërtet lider, atëherë le t'i jepet numri 10. "Numri 10 është përkohësisht jashtë shërbimit", ishte
përgjigjja që i është dhënë nga klubi korçar. Predesku shihet si një futbollist mjaft cilësor që do të plotësojë vendin e lënë bosh nga ishkapiteni, i cili u kthye në një nga lojtarët më të rëndësishëm në Korçë në vitet e fundit të suksesit të ekipit.