Një grua e sëmurë, ankth në avionin e dy skuadrave
Mjekët në gatishmëri, ja çfarë ndodhi gjatë udhëtimit
Partizani dhe Tirana janë bashkuar dje në aeroportin e Stambollit për të udhëtuar më pas me të njëjtin avion drejt kryeqytetit. Por, edhe pse dukej se gjithçka po shkonte më së miri, në mes të udhëtimit në bord ka pasur panik që ka përfshirë futbollistët dhe stafet teknike. Një grua, e cila ishte ulur shumë pranë lojtarëve të Partizanit, ka pasur probleme shëndetësore. Kaq është dashur që të kërkohet menjëherë ndihma e mjekëve dhe të parët që kanë asistuar ishin ata të Partizanit, të vendosur edhe më pranë rastit urgjent. Ndërkohë që edhe stafi mjekësor i Tiranës ka vrapuar për të ndihmuar kolegët e tyre. Burime të besueshme pranë futbollistëve bëjnë me dije se gruaja në fjalë, e cila ka ditur vetëm shumë pak fjalë shqip, ka pasur një krizë astme pasi vuante nga kjo sëmundje. Një bllokim në frymëmarrje ka sjellë edhe u janë dashur mjekëve të Partizanit dhe Tiranës që të normalizonin situatën shëndetësore të gruas që shfaqi probleme gjatë udhëtimit për në Tiranë.
alarmin e shoqëruesve të saj. Megjithatë, mjekët e dy skuadrave kanë marrë menjëherë masat dhe me oksigjenin që ndodhet në çdo sedilje të avionit në rast emergjence i kanë dhënë ndihmën e parë të sëmurës. Për pak minuta, falë edhe bashkëpunimit të dy stafeve mjekësorë të ekipeve shqiptare, është rikthyer normaliteti dhe të gjithë në avion janë qetësuar. Ndërkohë që pacientja nuk ka shfaqur më probleme deri në përfundim të udhëtimit në kryeqytet. Precedenti - Pak vite më parë, në avionin ku udhëtonte skuad- ra e Partizanit dhe Flamurtarit, që ktheheshin nga Stambolli drejt Tiranës pasi kishin përfunduar përgatitjet, ka ndodhur e njëjta situatë. Një prej lojtarëve të Flamurtarit pati gjendje ankthi dhe pas ndërhyrjes së mjekëve situata e tij shëndetësore u normalizua.