Sadiku gol me gjoks, Hysaj e Memushaj super
Kaçe u rikthye titullar, humbin Cikalleshi dhe Agolli
Armando Sadiku ka rigjetur formën e tij më të mirë dhe nuk ndalet. Sulmuesi ka shënuar edhe këtë fundjavë, këtë herë për t'i dhënë një pikë Luganos përballë ish-skuadrës së tij, Vaduzit. Rikthimi te Lugano pas disa sezonesh po shkon ashtu siç parashikohej për sulmuesin e Kombëtares, i cili po gjen me rregullsi rrugën e rrjetës me këtë skuadër. Ashtu si një javë më parë ndaj Grasshopers, edhe dje bomberi kuqezi ka shënuar për t'i dhënë pikë skuadrës së tij dhe për ta larguar nga zona e rrezikut. Vaduzi, ku luante titullar Albion Avdiaj, arriti të mbyllte pjesën e parë me avantazhin 1-0. Por, në minutën e 65-të të ndeshjes, në atë që ishte mundësia e parë reale që iu shfaq Sadikut, ai nuk gaboi, por e dergoi topin në rrjetë duke përdorur trupin (devijoi me gjoks), për të realizuar golin e barazimit 1-1 me të cilin u mbyll kjo sfidë. Ndërkaq, në ndeshjen tjetër të luajtur në Zvicër, dy golat e Benjamin Kolollit nuk i kanë mjaftuar Lozanës për të mundur Bazelin kryesues, edhe pse, deri 20 minuta nga fundi i ndeshjes, kryesonte 3-1. Bazeli përmbysi rezultatin duke fituar 4-3 dhe protagonist në golin e dytë të kampionëve në fuqi të Zvicrës ishte edhe Taulant Xhaka, i cili dhuroi pasimin për autorin e golit.
Seria A
"Është shpirti i skuadrës dhe njeriu që mund të rilindë Peskarën". I tillë ka qenë shpjegimi i notës 6.5 që mediat italiane i kanë bërë paraqitjes së kapitenit të "delfinëve". Në fitoren 5- 0 përballë Xhenoas që arriti skuadra nën drejtimin e Zemanit për herë të parë, mesfushori kuqezi ka asistuar në golin e tretë dhe ka nisur aksionin në të katërtin. Në takimin tjetër, Elseid Hysaj konsiderohet si njeri "perfekt".
Me notën 6 nga mediat përtej Adriatikut, mbrojtësi është konsideruar si "lojtari që nuk gabon asnjëherë dhe bën në çdo rast atë që duhet. Vlerë e shtuar për ekipin dhe më i miri i repartit të prapavijës". Napoli fitoi me rezultatin 13 përballë Kievos në transfertë,
ndërkohë që "kërcënon" Romën në vendin e tretë me vetëm dy pikë më pak. Seria B
Piza e drejtuar nga Xhenaro Gatuzo ka marrë një barazim pa gola në ndeshjen përballë Frozinones, kryesuesja e Serisë B. Rei Manaj është aktivizuar
përgjatë gjithë takimit. Turqi
Sokol Cikalleshi nuk i mjafton skuadrës së Ahkisarit përballë Beshiktashit. Kjo e fundit ka fituar me rezultatin 3-1, ndërkohë që sulmuesi i Kombëtares ka qenë titullar dhe është zëvendësuar në minutën e 75-të. Greqi
Ergys Kaçe është rikthyer në formacionin titullar për PAOK-un, e cila ka fituar 4-0 përballë Verias. Me këtë triumf, skuadra e shqiptarit ruan vendin e tretë në kuotën e 39-të pikëve.
Azerbaj han
Kapiteni i Kombëtares, Ansi Agolli, ka pësuar një humbje në takimin e djeshëm përballë Gabalasë, e cila i ka marrë kryesimin Karabakut, edhe pse me pikë të barabarta.