Akrobaci dhe presion, të kuqtë batuta për... Tiranën
Starova heq presionin, asnjë fjalë lojtarëve
Partizani u ka dhënë fund dje për gatitjeve për derbin e 148-të të kryeqytetit, ku në orën 16:00 kanë kryer seancën e fundit në kompleksin "Tirana Internacional". Seanca e djeshme ka qenë më e shkurtër dhe me ngarkesë më të ulët për lojtarët. Gjithsesi, trajneri i përgatitjes fizike, Korado Sakone, nuk i ka kursyer as dje, duke ua dhënë dozën me ushtrimet e tij, ku si gjithnjë kërkohet ritëm dhe angazhim maksimal. Situata në kampin e kuq një ditë para derbit dukej e qetë dhe lojtarëve nuk u mungonte optimizmi për këtë takim të sotëm. Përgatitjet për Tiranën janë mbyllur si për një ndeshje të zakonshme, madje qetësia ka qenë më e madhe se në prag të sfidave të tjera. Si gjithnjë, trajneri Sulejman Starova mundohet që të mos ushtrojë presion ndaj lojtarëve në seancat përmbyllëse të derbit. "Bobi" dje ka qenë më i qetë se zakonisht në udhëzimet e tij, por, gjithsesi, humori nuk ishte pjesë e repertorit të tij. Ndërsa lojtarët nuk i kursyen batutat dhe shakatë me njëri-tjetrin gjatë ushtrimeve, ku protagonistë mbeten si gjithnjë Krasniqi, Sukaj, Batha dhe Trashi. Përgatitje taktike
Pas praktikimit të kuadratit dhe disa ushtrimeve me ngarkesë fizike, udhëheqjen e seancës e ka marrë trajneri Starova, i cili ka punuar kryesisht me ekipin në aspektin teknik. Theksi i punës ka qenë praktikimi i disa skemave loje nga lojtarët që mendohen si titullarë në derbi. Qarkullimi i topit, mbulimi i zonave dhe saktësia në krosimet nga krahët ishin fjala kryesore e kësaj pjese të përgatitjeve. Ndonëse qarkullimi dhe kombinimet ishin në shkallën e duhur, goditja e portës nuk ka qenë në shkallën e duhur. Ekuban u tregua gjysmë i saktë në gjuajtjet në portë, gjë e cila u pasua edhe nga të tjerët. Shënjestrën më të mirë dje e patën Batha, Torasa dhe Mazrekaj. Në fund ekipi u praktikua në gjuajtjet stan-
darde të kundërshtarit, ku të gjithë kishin për të detyrë të mbronin kur gjuhej nga këndi apo pozicione afër zonës së rreptësisë.
Optimizmi pas stërvitjes Pas përfundimit të përgatitjeve të djeshme, shkurtimisht lojtarët e pranuan për "Panorama Sport" se janë të vendosur për ta fituar derbin e sotëm.
Hoxha- "Jemi përgatitur si zakonisht dhe shpresojmë që në derbi të dalim triumfues. Ndihemi gati për ta fituar këtë takim", u shpreh kapiteni Alban
Hoxha kur po largohej nga fusha.
Krasniqi- Mbrojtësit Gëzim Krasniqi asnjëherë nuk i mungon besimi para një derbi. Madje ai është i sigurt për suksesin e sotëm. "Pse na pyesni për derbin? Edhe ata e dinë vetë se çfarë i pret. Do t'i thyejmë në mesM Mos harro që t'ua kujtoni se nuk luan Atanda... (qesh)", u shpreh Krasniqi për "Panorama Sport" pas stërvitjes.
Ekuban- Të gjithë i kanë sytë tek Ekuban në këtë takim, kështu që mendohet se sot të jetë dita e tij. "Nuk di ta them
se dita e kujt do të jetë, por me saktësi di të them që është dita e derbit. Sigurisht që e dua shumë një gol në derbi", u shpreh Ekuban.
Fili- Goli i Realdo Filit në takimin e 4 maj 2016, në barazimin 2-2, mbetet goli i fundit i shënuar në një derbi. Seancën stërvitore Fili e mbylli me një kërcim akrobatik dhe kur i thua se goli i tij mbetet i fundit, ai u shpreh: "Duhet b... me thye atë gol ( qesh). Po shënova sërish, do ta festoj me kërcimin akrobatik që bëra në fund të seancës".