NOTAT INTER
HANDANOVIÇ 7 - Pritja që bëri në të 94' përballë Torosidisit bëri që Interi të largohej nga Bolonja me pikët e plota. Slloveni ishte po aq deciziv sa Gabigoli. MURIJO 5,5 - Gaboi jo pak herë, por i falet pasi nuk u aktivizua në pozicionin e vet. Pioli bëri mirë që e zëvendësoi pasi kolumbiani nuk ishte në formë (55' ANSALDI 6,5 - Kishte dëshirë që të heshtte kritikët pas ndeshjeve të fundit). MEDEL 6 - Gjatë pjesës së parë markoi mjaft mirë Petkoviçin, por në të dytën humbi disa duele dhe nuk ishte më aq i qetë. MIRANDA 6 - Falë eksperiencës që ka, di kur është momenti për të larguar me forcë topin ose kur duhet që t'i paraprijë kundërshtarit në kontaktin me topin. D'AMBROZIO 6,5 - Ishte pozitiv në të dyja fazat. Perisiç është burim inspirimi për të. Asisti që i dha Gabigolit nuk ishte një rastësi. GALJARDINI 6 - Punoi shumë në mesfushë, por s’ishte aq i "gjallë" në sulm sa ç'ka qenë herët e tjera. ZHOAO MARIO 5,5 - Pëlqen shumë topat e gjatë, por këmbëve të tij u duhen më shumë masë muskulore. Te goditja e këndit trajektoret e tij janë gjithmonë të ulëta. KANDREVA 6,5 - Ishte një makineri harkimesh si nga e djathta dhe nga e majta. Ishte gjithmonë në qendër të lojës, Pioli duhej që të "sakrifikonte" dikë tjetër. ( 74' GABIGOL 7 - Mbase nuk e kishte imagjinuar të tillë golin e parë në Itali... Me veprimin që bëri i dha fitoren klubit në një ndeshje të vuajtur. Gëzimi ishte i sinqertë dhe përqafimi që i dhanë shokët ishte momenti perfekt që ai të fillojë një "jetë" të dytë në Milano). EDER 5 - Ishte në një ditë të zezë. Nuk ishte i saktë dhe gjeti pak herë portën kundërshtare. Rrezikoi që të shkaktonte edhe një penallti. PERISIÇ 6 - Ishte mes më të rrezikshmëve të Interit dhe së bashku me D'Ambrozion bënë që krahu i majtë i zikaltërve të bindte. Nuk kishte fat. PALASIO 4,5 - Interi luajti dje me një lojtar më pak. Gaboi një gol të bërë, ndërsa gjatë të gjithë ndeshjes mbërriti te topi një kohë me vonesë. Tregoi se duhet falënderuar për gjithçka ka bërë për Interin. ( 74' Ever BANEGA 6,5 - Topi që D'Ambrozio i dha Gabigolit ishte një "shpikje" e tij. Kishte meritë te goli i fitores po aq sa D'Ambrozio dhe Gabigoli). Trajneri Stefano PIOLI 6,5 - Gjeti zëvendësimet pasi dyshja Banega-Gabigol i lejoi të merrte fitoren e radhës. Jo keq, ka fituar 9 prej 10 ndeshjeve të fundit.