Ibra mbreti i kupave, përmbys Blekbërnin
Kejn kualifikon Spërsat. Shorti përplas Çelsin me Junajtid
Pas tripletës në Ligën e Europës, është sërish Zlatan Ibrahimoviç ai që u dhuron "djajve të kuq" fitoren në "Ewood Park": Mançester Junajtid kalon pengesën e Blekbërn Roversit me përmbysje 1-2 dhe kualifikohet në çerekfinalet e FA Cup. Tripletë edhe për Herri Kejnin: tre golat e sulmuesit në fushën e Fulhamit i dhurojnë një biletë edhe Totenhemit. Kuadri i FA Cup praktikisht plotësohet: mungon në apel vetëm Arsenali, i impenjuar sot kundër amatorëve të Satënit.
Nën firmën e Kejn - Një, dy, tre. Është gjithnjë i njëjti autor, Herri Kejn (16', 51', 73' ). Poketino nuk e injoron FA Cup dhe në "Craven Cottage", atje ku ka ardhur edhe Antonio Konte për t'i ndjekur nga afër, ata fitojnë derbin, në mënyrë më komode nga sa e kishin parashikuar.
Përmbys Junajtid - Listës së ekipeve të kualifikuara i shtohet edhe emri i Mançester Junajtid. Murinjo u tundua nga lënia e disa yjeve pushim, por ishin pikërisht zëvendësimet ato që i mundësuan kalimin e turit. Për 60 minuta, Blekbërni arriti t'i mbante
pezull miqtë, madje kaloi edhe në avantazh në minutën e 17të me një aksion spektakolar të Emnes, finalizuar nga Graham. Por barazimi i Rashfordit përpara kthimit në dhomat e zhveshjes dhe futja e dyshes Pogba-Ibra në pjesën e dytë, solli fundin e rezistencës së Blekbërnit (suedezi
ka shënuar në FA Cup Kupën e Italisë, Kupën e Mbretit dhe Kupën e Francës). Ajo që do të mbyllë turin e pestë është Satën-Arsenal. A do të ketë hapësirë për një tjetër përrallë të stilit Linkoln? Venger, i vendosur në shënjestrën e shtypit, uron që jo.
Shorti - Goglat kanë qenë
të pamëshirshme me Junajtid që i kanë rezervuar një përballje në "Stamford Bridge" në çerekfinale. Midëllsbrou do të presë fituesin e HadërsfilldMançester Siti. Totenhemi do të presë Milluollin, ndërsa hirushja e këtij sezoni, Linkolni, do ta mësojë rivalen e saj sonte pas Satën-Arsenal.