Titullarët lihen pushim
Pushim për titullarët, stërvitje për lojtarët e stolit. Futbollistët, të cilët nuk janë aktivizuar në ndeshjen me Teutën, ose kanë marrë vetëm pak minuta, dje janë stërvitur. Pjesa tjetër e lojtarëve, të cilët ishin titullarë në ndeshjen me Teutën, u lanë pushim nga trajneri Duro. Ndërkaq sot, kuqezinjtë do të nisin përgatitjet të plotë për ndeshjen me Tiranën, e cila luhet në fund të kësaj jave në kryeqytet. Nga sot nis edhe ngarkesa maksimale e përgatitjeve për ndeshjen e radhës.