“Nuk mjafton vetëm talenti, luajmë me zemër”
Atletiko Madrid nuk ka fituar asnjë nga dy transfertat në Leverkusen. Në Ligën e Europës barazoi 1- 1 në vitin 2011, ndërsa në fazën e 1/8-ave të Champions-it 2015 humbi 0- 1. Trajneri i nënkampionëve të Europës, Diego Simeone, shprehet optimist për këtë transfertë. Gjatë konferencës për shtyp, ai beson te rikuperimi i portierit Oblak, sqaron filozofinë e tij ku i vë rëndësi forcës së shpirtit dhe jo talentit.
Simeone, nuk keni fituar ende në Leverkusen. Besoni ta thyeni këtë mallkim?
Nuk mund
ta
quaj mallkim, pasi së fundmi jemi kualifikuar ne. "Aspirinat" i shoh më të fortë sivjet me Çiçariton, por në Leverkusen kemi ardhur për fitore. Transfertat janë gjithmonë të vështira në Champions. Lojtarët e dinë se çfarë duhet të bëjnë. Kanë eksperiencën e duhur
për të bërë diferencën.
Cili është më i rëndësishëm për ju, talenti apo shpirti i skuadrës?
Mua më pëlqejnë më shumë lojtarët me zemër, pasi vetëm talenti nuk mjafton. Talenti është i rëndësishëm, por angazhimi dhe
prezenca me mish e me shpirt në fushë ka më shumë vlerë në futboll.
Oblak është gati?
Oblak është rikuperuar totalisht, por vendimin do ta marrë ditën e ndeshjes.
E shihni ekipin më të fortë në krahasim me një vit më parë?
Skuadra është rritur profesionalisht. Lojtarët njihen më shumë dhe kuptohen më mirë me njëri-tjetrin. Kjo ndeshje erdhi në momentin e duhur. Lojtarët janë në formë të mirë fizike dhe psikologjike.
Do t'i besoni Torresit apo Gameiros?
Kemi disa alternativa për frontin e sulmit. Të dy sulmuesit janë në formë të shkëlqyer dhe kam besim se do arrijnë të shënojnë. Për formacionin nuk kam vendosur ende. Ndoshta luan vetëm njëri, por ndoshta edhe të dy.