Markez: Yamaha, kërcënim serioz për ne
Mark Markez është i bindur se dyshja e pilotëve të Yamahas, Maverik Vinales dhe Valentino Rosi, do të përbëjë kërcënimin më të madh në vitin 2017. Kampioni i botës i mbyllte testet 3-ditore në "Phillip Island" në vendin e dytë të përgjithshëm 0.294 sekonda më i ngadaltë nga bashkëkombësi Vinales. "Në garën e parë do të shikoni se fundjava do të jetë krejtësisht ndryshe. Sigurisht që të dy pilotët e Yamahas do të jenë konkurrentë të fortë. Po ashtu, edhe pilotët e Dukatit janë duke luftuar fort. Pa harruar këtu edhe shokun tim të skuadrës. Parashikoj se do të jetë një konkurrent i fortë në Botëror", deklaroi piloti i Hondës.