Nga “MSN” te makineria e Çelsit, triot më të frikshme të Europës

Treshet sulmuese janë shndërruar në modë në ekipet më të mëdha të Europës, nga MSN-ja e famshme e Barçës, deri te makineria e golave të Çelsit, skuadra që janë transformuar në formacione ofensive 3-4-3 apo 4-3-3. Por cilat janë 5 më të mirat e këtij sezoni në kampionatet kryesore të kontinentit? Çelsi (Kosta-Hazard-Pedro) - Trioja e sulmit të Kontes ka marrë përpara mbrojtjet e Premier Ligës këtë sezon. Kosta-Hazard-Pedro regjistrojnë 31 gola dhe 13 asiste mes tyre në Premier Ligë, me Diego Kostën që ka shënuar 15 prej tyre dhe asistuar 5. Hazard ka shënuar 10 gola (3 asiste), ndërsa Pedro 6 gola (6 asiste). Napoli - (Mertens-Kajehon-Insinje) - Të shkëlqyera kanë qenë edhe paraqitjet e sulmuesve të Mauricio Sarrit që ka një prej skuadrave që prodhon futbollin më argëtues në kontinent. Tre mjeshtrit e sulmit të tij kanë prodhuar 32 gola dhe 19 asiste. Roma - (Xheko-Peroti-Salah) - Tentativat e Romës për të zbritur Juven nga froni këtë sezon pritet të mos shpërblehen, por trioja sulmuese e Spaletit ka prodhuar 34 gola dhe 12 asiste mes tyre. PSG - (Kavani-Di Maria-Moura) - Largimi i Ibrës e ka shndërruar "El Matador" në një bomber. Ai kryeson klasifikimin e golashënuesve të Ligës së Parë Franceze me 25 gola (më shumë se çdokush në top 5 ligat kryesore të Europës). Atyre u shtohen 8 golat e Lukas Mouras dhe 2 golat e Di Marias (35 gola dhe 9 asiste në total mes tyre). Barcelona ( Mesi- NejmarSuarez) - Ata janë të padiskutueshmit. Edhe këtë sezon, yjet e Amerikës së Jugut regjistrojnë shifra të frikshme (43 gola dhe 19 asiste). Mesi ka shënuar 19 gola, një më shumë se Suarezi.