Katër sekretet që fshihen pas "ringjalljes" së Interit

Pioli ka ndërhyrë aty ku kishte më shumë nevojë

Fitorja kundër Bolonjës tregoi se Interi është gati për të nisur një cikël të ri. Përballë ekipit të Donadonit, skuadra e drejtuar nga Stefano Pioli tregoi se është e fortë fizikisht, psikologjikisht dhe është e aftë të prodhojë lojë. Edhe pse e dinë fare mirë se kualifikimi në Ligën e Kampioneve është i vështirë, ata po japin maksimumin në ndeshjet që i kanë mbetur për të tentuar sipërmarrjen e madhe. Ashtu siç është thënë prej ditësh, grupit të lojtarëve u ka dhënë një dorë Stefano Pioli. Ai me katër lëvizje bëri që Interi të rikthehej edhe një herë në shina... Besim në vetvete - Pioli ishte i bindur se lojtarë si Kondogbia apo Zhoao Mario mund të ofronin më shumë krahasuar me paraqitjet që bënë kur Interin e drejtonte Mançini dhe De Bur. Për trajnerin italian skuadra e Interit ka shumë cilësi, prandaj dhe u mundua që përveç punës fizike që bëri me lojtarët, t'i përgatiste ata edhe në aspektin psikologjik.

Identitet dhe qëndrueshmëri - Pas disa javësh eksperimentimesh, Pioli vendosi që t'i jepte ekipit edhe një identitet taktik. Duke arritur

këtë, ai i lejoi mbrojtjes që të ishte më e qëndrueshme. Tani Interi luan me skemën 42-3-1 ose me një mbrojtje me tre lojtarë. Në 9 fitoret e arritura në dhjetë ndeshjet e fundit, Interi ka pësuar vetëm dy gola, ndërsa për 7 takime porta e Handës ka mbetur e

paprekur.

Vazhdueshmëri - Interi u ka dhënë vazhdimësi rezultateve pozitive pasi tani stërvitet më shumë. Me Piolin skuadra është mësuar që të fitojë dhe merr tri pikët edhe në ato takime që duken "të mallkuara". (Pa)Vartësia nga Ikardi -

Sul-

muesi argjentinas mbetet lojtari kryesor i ekipit (ka shënuar 15 gola dhe ka dhënë 7 asiste), por tani Pioli ia ka lehtësuar shumë punët. Tani përgjegjësitë janë ndarë te disa lojtarë dhe 23-vjeçarit nuk i është dashur të përballojë gjithçka i vetëm.