Donaruma mbush 18 vjeç, babai i nxjerr sekretet

Flet babai: Që i vogël e ka dashuruar fanellën e Milanit

Sot, portieri i Milanit, Xhanluixhi Donaru ma, feston datëlindjen e tij të 18-të. Një ndër surprizat më të bukura në dy vitet e fundit është rrëfyer nga njeriu që e njeh më mirë, babai Alfonso. Kundër Sasuolos, Xhixho do luajë ndeshjen e parë si maxhoren, pikërisht përballë ekipit që debutoi për të parën herë në "San Siro". Babai i Xhanluixhi Donarumës ka pranuar se kur ka dëgjuar që djali i tij 16-vjeçar do të debutonte me kuqezinjtë, mendoi se ishte një shaka. Në prag të 18-vjetorit të portierit kuqezi, babai i tij ka folur për hapat e parë të karrierës së tij. "Si ka qenë në fëmijëri? Nuk mbaj mend shumë", ka thënë Alfonso për "La Stampa". "Fëmijët e mi janë rritur shpejt, veçanërisht në gjatësi. Në ditën e tij të parë të shkollës ai nuk donte të ndahej nga mamaja dhe ka qarë. E kemi regjistruar në një shkollë që drejtohej nga murgeshat bashkë me motrën e tij. Ai u arratis, shkoi te Nuncia dhe i tha: 'Telefonoji mamasë'". "Në moshën 4 vjeç ka filluar të luajë futboll në rërë. Pa vëllanë e tij dhe nuk u ndal më. Turneu i parë ku ka marrë pjesë ka qenë një dështim, por unë qesh sa herë që e kujtoj. Kanë qenë pushimet e Krishtlindjes dhe afër fushës janë hedhur disa fishekzjarrë që kanë trembur Xhixhon, i cili është larguar me vrap nga porta. Unë shkova pas tij dhe e binda që të kthehej në portë: ' Si do të presësh topat, nëse nuk je aty?' Xhaxhai Enriko Alfano, i cili, fatkeqësisht, nuk është më me ne, nuk pati fatin ta shikonte Xhanluixhin të luante", ka thënë Alfonso. "Trajneri i tij i shkollës në Napoli, Ernesto Ferrara, u zemërua me mua. Më tha: 'Alfonso, ti nuk e di se sa i mirë është djali yt, ai është i përzgjedhur nga fati'. Im bir zgjodhi Milanin për të qenë bashkë me vëllanë Antonio, i cili luante me ekipin e moshave, dhe sepse ishte skuadra e tij e zemrës. Edhe unë kam qenë gjithmonë një tifoz i Milanit, e kam ngjyrosur makinën time të parë me të kuqe dhe të zezë, por gruaja ime është tifoze me Napolin. Më pas, në një të shtunë tetori ka ardhur telefonata e

papritur. Një vit dhe katër muaj më parë Xhixho na telefonoi: 'Baba, mama, do të vini të më shikoni në ndeshjen që do të luhet nesër?' Mendoja se ishte një shaka". "Në moshën 16 vjeç, në Serinë A kundër Sasuolos. Nuk kemi

kuptuar asgjë, vetëm se ata na dhanë biletat për të shkuar në stadium. Kam qenë i lumtur dhe me lot në sy". I pyetur nëse Xhanluixhi ka ndryshuar që nga debutimi me kuqezinjtë: "Absolutisht jo, ka mbetur i njëjti. Çfarë i uroj me rastin e 18-vjetorit? Që ta shijojë këtë moshë të bukur, të arrijë objektivat që i ka vënë vetes dhe shumë shëndet. Ne mundohemi të jemi sa më shumë afër tij. Vijmë shpesh në Milano, që ai të mos ndihet vetëm", ka përfunduar Alfonso.