Laçi, Sinella: Dua 3 pikë në Gjirokastër

Kurbinasit luajnë sot në një fushë të vështirë, por trajneri beson te fitorja

Laçi luan sot në transfertën delikate të Gjirokastrës, aty ku vendësit nuk kanë humbur asnjë ndeshje këtë sezon. Megjithatë, trajneri Bledar Sinella është i bindur se skuadra e tij do të luajë për fitore. Në bisedën për "Panorama Sport", kreu i pankinës kurbinase vlerësoi kundërshtarin, por theksoi se Laçi i tij do të luajë për të marrë maksimumin. "Luftëtari është një ekip i fortë dhe normalisht që nuk do të jetë një ndeshje e lehtë për ne. Megjithatë, ne do të luajmë për fitore ndaj një ekipi që bën futboll të bukur. Jo më kot Luftëtari është cilësuar si ekipi surprizë i këtij sezoni. Gjendja e grupit është e mirë dhe pres që lojtarët të japin maksimumin, duke marrë pikë në këtë transfertë të vështirë", është shprehur dje trajneri bardhezi. Nora si ish - Të dy janë në role drejtuese dhe për më tepër nga Gjirokastra. Gentian Nora është shef i klubit të Luftëtarit, ndërsa në të kaluarën ka qenë gjyqtar futbolli. Nga ana tjetër, Arlind Nora është bërë së fundmi drejtor sportiv i Laçit. Ish- sulmuesi ka qenë idhull jo vetëm në skuadrën e vendlindjes, ku luajti për shumë vite, por edhe te Laçi, pasi në sezonin 2009- 2010 shënoi 14 gola. Sot do të jetë një ndjesi e veçantë për Arlindin, i cili për herë të parë si drejtues klubi do të sfidojë skuadrën e zemrës. Për më tepër, si për ironi të fatit, te Luftëtari do të ketë si kundërshtar edhe Gentianin, me të cilin është i afërm. Një derbi brenda familjes, por me të përbashkëtën që të dy janë nga Gjirokastra. Nora i dha fund karrierës dy vite më parë, pikërisht te skuadra ku e nisi, Luftëtari.