Bota e futbollit përkrah "mbretin" Klaudio Ranieri

endimi i shkarkimit të Klaudio Ranierit nuk ka surprizuar vetëm tifozët e futbollit, por edhe futbollistët, analistët dhe të gjithë ata që ndjekin këtë sport. Reagimet kanë qenë të shumta dhe thuajse të gjithë mbështesin trajnerin italian, duke i dalë kundër vendimit të drejtuesve. Në sajtin zyrtar të klubit, në postimin ku lajmërohej shkarkimi i Ranierit, kishte shumë komente që i uronin Leiçesterit rënien nga kategoria. Ndërkohë, gazeta më e madhe italiane "Gazzetta Dello Sport" hapej me titullin: "Anglezë mosmirënjohës!". Këto janë disa nga reagimet më interesante.

Roberto Mançini: Më vjen keq për mikun tim Ranieri. Ai do të qëndrojë në historinë e Leiçesterit dhe në zemrat e këtyre tifozëve!

Toni Pulis: Futbolli nuk është loja më e drejtë në botë. Nuk e prisja kurrë largimin e Ranierit.

Geri Lineker: Faleminderit për gjithçka Klaudio! Kur mora vesh lajmin për shkarkimin tënd, derdha një lot. Jo vetëm për ty, por për futbollin dhe vendimet absurde që po merren. Është e pakuptueshme për mua, është e pakuptueshme për të gjithë botën.

Rio Ferdinand: Sapo mora vesh lajmin për shkarkimin e Ranierit. Jam shokuar. Fiton kampionatin dhe nuk i japin kohën e duhur. Skena irreale.

Majkëll Ouen: Një turp i madh!

Xhimi Karrager: Diçka qesharake, shkarkimi i Ranierit pak kohë pasi ai bëri mrekullinë sezonin e kaluar. Geri Nevill: Fitorja e kampionatit anglez, ose e kupës së mallkuar. Konte do shkarkohet sezonin tjetër. Lukas Podolski: Faleminderit Klaudio Ranieri! Kristian Vieri: I madh mister Ranieri!

Momo Sisoko: Historia do të të kujtojë.

Stefano Sorrentino: Futbolli është sporti pa logjikë. Xhon Kros: Leiçesteri harroi gjithçka shumë shpejt.