Starova për Dajën: Nuk merrem me thashetheme

Trajneri Sulejman Starova e ka ruajtur traditën edhe në prag të ndeshjes me Kukësin, pasi në dy sezonet e fundit "Bobi" nuk ka preferuar në asnjë rast të flasë para takimeve të fundjavës. Gjithsesi, Starova ka pranuar që të japë një përgjigje të shkurtër me thumbin e dhënë një ditë më parë nga trajneri i Skënderbeut. Daja pohoi se aludimet i bëjnë ata që e kanë të pamundur që të mundin Skënderbeun. I pyetur nga "Panorama Sport" në lidhje me pohimin e trajnerit Ilir Daja, Starova u shpreh shkurtimisht: "Nuk merrem me thashetheme". Pra, duket qartë që Starova i mbetet strategjisë së përzgjedhur, pasi "goditjet" i jep pas përfundimit të ndeshjeve të tij. Ndërsa i pyetur për deklaratën e trajnerit të Kukësit, se nxënësi e mund profesorin, Starova nuk preferoi të japë asnjë përgjigje.