Gjyqtar pritet Andi Koçi
Andi Koçi pritet të jetë gjyqtari kryesor i kryendeshjes së sotme në stadiumin "Zeqir Ymeri". Burime të gazetës "Panorama Sport" në FSHF treguan dje se sektori i gjykimit ka qenë mjaft i dyzuar për gjyqtarin që do t'i besonte këtë takim, edhe pse kandidaturat kryesore ishin tre ndërkombëtarët: Lorenc Jemini, Enea Jorgji dhe Andi Koçi. Deri dje në mbrëmje nuk ishte njoftuar asnjë prej tyre, por gjithsesi në orët e vona mësohet se është bërë e ditur që Koçi do të jetë ai kryesori.