E ironizoi, Besart Berisha sinjal De Biazit

Besart Berisha vazhdon të shkëlqejë në Australi, ku dje i ka dhënë fitoren 2- 1 Melburn Viktorit ndaj Adelajde Junajtid. 31-vjeçari i përfaqësueses së Kosovës dyfishoi epërsinë e vendasve tetë minuta para fundit me një goditje mjeshtërore, pasi Marko Rohas e kishte zhbllokuar ndeshjen në të 66- n. Ndërkaq, ky është finalizimi i 17- të sezonal për Berishën, i cili udhëheq i vetëm klasifikimin e shënuesve. Sulmuesi hyn në historinë e Viktorit si lojtari i dytë që arrin kuotën e 50 golave vendimtarë ( që i kanë dhënë fitoren) në kampionat, së bashku me legjendën Arçi Tompson.