Galiani: Jam i lumtur me qëndrimin e Bakës

Në vigjilje të ndeshjes së sotme kundër Sasuolos, administratori i Milanit, Adriano Galiani, ka folur për merkato duke analizuar qëndrimin e Karlos Bakës, pas ofertave nga Kina: "Jam shumë i lumtur që Karlos nuk u largua, duke refuzuar milionat për Milanin dhe në këtë periudhë pak futbollistë do bënin një zgjedhje të tillë. Të gjithë ishim dakord që ai të qëndronte, unë, presidenti dhe trajneri. Honda? Nuk është e vërtetë që ka akord për t'u larguar në SHBA. Keisuke do të qëndrojë me të gjitha deri në fund të sezonit te Milani dhe më pas do të vendosë të ardhmen e tij. Deri në fund të vitit nuk do të largohet askush".