;anieri u jep lamtumirën lojtarëve, por vetëm d! prej t!re e falënderojnë

Përshëndetja e fundit. Pas shkarkimit mbrëmjen e së enjtes, Klaudio Ranieri vizitoi dje për herë të fundit qendrën stërvitore të Leiçesterit "Belvoir Drive", për t'u dhënë lamtumirën përfundimtare lojtarëve dhe stafit. Ish-trajneri i "dhelprave" e vizitoi qendrën stërvitore që ditën e premte, për të boshatisur dollapët e tij, por nuk kishte mundur dot të fliste me lojtarët, të cilët ishin pushim. Kështu që ai vendosi që të rikthehej të shtunën për takimin e fundit me ta. "U them vetëm tifozëve faleminderit, janë fantastikë", tha "King" Klaudio për "Sky Sports News", duke lënë qendrën stërvitore. "Tani ndihem mirë, për atë që kemi arritur këtu në Leiçester. Shpresoj që të ndodhë sërish, por do të jetë shumë e vështirë". Më pas, pyetjes nëse takimi me lojtarët kishte qenë emocional, tekniku këmbënguli se ishte vetëm normal, duke lënë të kuptohej mosmarrëveshjet e tij me disa prej tyre. Të vetmit që e përshëndetën pas shkarkimit ishin portieri Shmajkëll dhe kapiteni Morgan.