Përmbysje e Sevijes, merr vendin e dytë
Nëse mediatikisht dueli për titullin po zhvillohet mes Realit dhe Barcelonës, Sevija me qetësi po bën presion dhe ditën e djeshme ka marrë një fitore shumë të rëndësishme që e ka ngjitur në vendin e dytë. Në pjesën e parë, Betisi ka arritur të kalojë në avantazh falë një goli mjaft të bukur të Durmishit, por në të dytën Merkado dhe Iborra arritën të përmbysnin sfidën dhe t'i dhuronin Sampaolit 3 pikë me shumë vlerë. Ky rezultat e ka ngjitur skuadrën e Sevijes në vendin e dytë të kampionatit spanjoll dhe dita e sotme do të jetë relaksuese për ta, pavarësisht se si do të përfundojnë ndeshjet që do të luajnë rivalët e tjerë.