Barça kontakton Alegrin
Drejtori sportiv i spanjollëve, Ariedo Braida, sponsorizon 49-vjeçarin
Eardhmja e Masimil iano Alegrit te Juven tusi duket gjithmonë e më tepër në dyshim. Trajneri bardhezi, faktikisht, ka kohë që mendon për të provuar një eksperiencë jashtë Italisë, ndonëse ai vazhdon të nënvizojë se ndihet mirë te bardhezinjtë. Gjithsesi, fakt është që prej disa javësh livornezi është vënë në shënjestrën e Arsenalit, i cili sheh te 49-vjeçari pasardhësin e denjë të Arsen Vengerit, i cili ka krisur tashmë çdo lloj marrëdhënieje me tifozët dhe me 99 për qind do të largohet nga "Topçinjtë", në fund të sezonit. Por interesimi rreth tij sa vjen e rritet, sepse në orët e fundit mësohet se në sulm është hedhur edhe Barcelona. Lajmi vjen nga Angli, konkretisht nga "Daily Express", që flet për një kontakt mes trajnerit dhe Ariedo Braidas, drejtorit sportiv të katalanasve. Puna e shkëlqyer e "Kontit Maks" në Torino po vlerësohet në të gjithë Europën, sepse pavarësisht se çdo vit, kudo që është, atij i çmontojnë ekipin, Alegri di të gjejë gjithmonë zgjidhjen e duhur dhe vazhdon të fitojë. Madje me këtë Juventus ultraofensiv që ka ndërtuar në këtë fazë të dytë, ai shihet nga i gjithë kontinenti si favoriti për të triumfuar në Champions. Të gjitha këto eksperienca të viteve të fundit kanë bërë që profili i Alegrit të vlerësohet gjithmonë e më shumë, por në të njëjtën kohë
edhe vetë juventini është i joshur nga një eksperiencë në Europë. Në kokën e trajnerit "zien" prej kohësh ideja e punuarit në Premier Ligë, por natyrisht që Barcelona do të ishte ndoshta një hap edhe më i madh, sepse të stërvitësh Mesin, por edhe Iniestën,
Suarezin dhe Nejmarin është një luks që e kanë vetëm pak fatlumë në botë. Për më shumë, fakti që Masimiliano Alegri dhe Ariedo Braida kanë punuar, janë respektuar e vlerësuar reciprokisht, por që në të njëjtën kohë edhe kanë ruajtur një marrëdhënie të fortë që nga kohët e
Milanit, e bën gjithmonë e më bindës këtë lajm që qarkullon në orët e fundit. Burimet angleze nënvizojnë se përveç kontaktit mes tyre, Braida ia ka këshilluar edhe presidentit Bartomeu trajnerin e Juventusit, i cili e ka mirëpritur emrin e italianit. Por vetëm kaq deri tani...