Tirana nuk fal, Flamurtari super

Bardheblutë ia dalin edhe në Shkodër, ndërsa vlonjatët bëjnë goleadë me Lushnjën

Bardheblutë bëhen makthi i Vllaznisë

VLLAZNIA - TIRANA 0-1

GOLAT: Basha 38' VLLAZNIA: Qarri, Lekaj, Sekja, Repaj, Toma, Hoxha, Qardaku, Mehja, Lisaj, Boriqi, Kulla. ( U aktivizuan: Xhahysa, Shima, Asllani). Trajner: H.Lika TIRANA: Mati, Dragoshi, Isha, Vasha, Çiçi, Murja, Basha, Çelhaka, Tabaku, Selenica, Çela. ( U aktivizuan: Xhaferri, Brahja, Çakri, Selimi, Ismailgeci). Trajner: S.Mema GJYQTARË: H.Rakipi, A.Marko, A.Topi (Patos)

Pasi e mposhti në finalen e Kupës së Shqipërisë, Tirana ka fituar edhe në Shkodër ndaj paratërinjve të Vllaznisë. Në ndeshjen e luajtur të shtunën, bardheblutë e vegjël i janë falur golit të Bashës në fundin e pjesës së parë, duke marrë tri pikë të arta në një transfertë shumë të vështirë. Në fakt, ka qenë një lojë e ekuilibruar, me dy skuadra të kujdesshme. Gjithsesi, kuqeblutë ishin më kërkues dhe arritën të krijonin disa raste të rrezikshme me protagonistë Boriqin, Kullën dhe Qardakun. Në momentin më të mirë të

kuqebluve, Tirana kaloi në avantazh pas një aksioni me kombinime të bukura, ku finalizoi Basha. Skuadra e Sulejman Memës, duke qenë në epërsi, arriti ta administronte më së miri pjesën e dytë. Vllaznia ushtroi presion të vazhdueshëm, por nuk ishte e qartë para portës së mbrojtur nga Mati. Në shumë raste shkodranët ishin edhe të pafat. Ndoshta për nga mënyra se si u zhvillua loja, vendësit meritonin të paktën një pikë. Pas kësaj fitoreje, Tirana forcon pozitat në krye e shkëputur me 5 pikë.