Kosova nuk ia del, i thyen Islanda

Islandezët fitojnë me dy gola të shpejtë falë përvojës

Kombëtarja e Kosovës nuk ka mundur të marrë një rezultat pozitiv në ndeshjen ndaj Islandës, e cila ka siguruar trepikëshin që në pjesën e parë të takimit, të cilën e ka dominuar. Por, gjërat kanë...

Kombëtarja e Kosovës nuk ka mundur të marrë një rezultat pozitiv në ndeshjen ndaj Islandës, e cila ka siguruar trepikëshin që në pjesën e parë të takimit, të cilën e ka dominuar. Por, gjërat kanë ndryshuar në fraksionin e dytë, ku skuadra e Bunjakit ka rrezikuar më shumë portën kundërshtare dhe ka gjetur golin e Nuhiut në minutën e 52-të, por nuk ka mundur që të barazojë shifrat, pasi vendasit janë mbrojtur mjaft mirë. Ndërkohë që Kosova ende nuk e ka marrë fitoren e parë në këto eliminatore, çka ka bërë të jenë në vendin e fundit në grup me vetëm një pikë.

PJESA E PARË - Takimi nis i mirë për ekipin e Bunjakit, që mundohet të gjejë rrjetën në minutën e 12-të të takimit, kur Kololli kroson saktë në zonë dhe Nuhiu gjuan me kokë, por portieri mik arrin të presë pa probleme. Kosovarët janë të qartë në lojën e tyre në këto minuta dhe mundohen të

shfrytëzojnë epërsinë, madje në minutën e 21-të Valon Berisha godet edhe shtyllën. Por miqtë mbrohen mirë dhe, në rastin e parë të rrezikshëm, arrijnë të kalojnë në avantazh. Në minutën e 25-të Sigurdson lëviz bukur brenda zonës kundërshtare dhe gjuan fort një top që

grushtohet në momentin e parë nga Ujkani, por kthehet sërish në zonën vendase, ku Sigurdarson me portën e boshatisur nuk e ka të vështirë që të shënojë. Goli godet kosovarët psikologjikisht, që 10 minuta më pas pësojnë edhe të dytin. Kololli pengon në mënyrë të

parregullt Saevarsonin brenda zone dhe kryesori nuk mendohet dy herë, por akordon 11metërsh. Sigurdson, nga pika e bardhë nuk gabon dhe i jep Islandës, golin e qetësisë.

PJESA E DYTË - Fraksioni i dytë nis me gol për Kosovën, pasi Rrahmani i dalë në ndihmë

të sulmit arrin ta çojë topin në rrjetë në minutën e 49-të, por ka pozicion jashtë loje për qendërmbrojtësin. Gjithsesi në minutën e 52-të, në një aksion të gjatë të kosovarëve, Shala kroson saktë për Nuhiun, i cili fiton duelin me mbrojtësit kundërshtarë dhe me kokë shkurton shifrat. Në stadium nis festa, ndërsa barazimi duket më pranë për Kombëtaren e Kosovës. Trajneri Bunjaki bën edhe zëvendësimet e rastit dhe rreziku në portën islandeze është konstant, por goli është ai që mungon. Avdijaj do të tentojë në një depërtim të bukur brenda zonës kundërshtare, por goditja e tij do të jetë mjaft e lehtë. Miqtë mbrohen mirë dhe mundohen të mbajnë larg portës së tyre sulmet e kundërshtarit dhe ia dalin ta bëjnë një gjë të tillë deri në minutat e fundit, duke siguruar një trepikësh me shumë vlera në këtë transfertë.