Si kurrë më parë, 30 pikë diferencë
Të premten luhet derbi i 149të i kryeqytetit, por skuadrat vijnë në pozita disi të pazakonta për një ndeshje të tillë. Kjo nuk ka të bëjë me pozitat apo synimet që kanë skuadrat në përballjen e radhës, pasi kjo ka ndodhur edhe në sezone të tjera. Ajo që e bën të çuditshëm këtë derbi është diferenca e pikëve mes dy klubeve. Java e 30-të e Kategorisë Superiore i ka gjetur dy klubet e kryeqytetit me një diferencë prej 30 pikësh. Partizani ka grumbulluar 62 pikë në 30 javë, ndërsa Tirana ka 32 pikë dhe vetëm 3 pikë e ndajnë nga Laçi i parafundit, pozicion i cili të zbret një kategori më poshtë. Mbetet për të hapur arkivat e sezoneve të largëta për të gjetur një shembull.