Dinamo Zbardhen këshillat e Allmuçës
Dinamo luan një finale ndaj një rivali të drejtpërdrejtë për mbijetesë siç është Sopoti. Për këtë arsye, trajneri Igli Allmuça po vijon përgatitjet me intensitet të lartë. Madje, tekniku 36-vjeçar po zbaton një plan masash për lojtarët duke nisur nga regjimi strikt stërvitor dhe ushqimor e deri tek evitimet e daljeve. Këto kanë qenë më tepër këshilla sesa urdhra, pasi nëse ekipi nuk është në grumbullim nuk ka sesi trajneri të di çfarë bëjnë futbollistët. Por, nga ana tjetër, është administratori Saliaj që thuajse përditë viziton ekipin, duke parë nga afër situatën. Saliaj u ka kërkuar futbollistëve përqendrim maksimal për këtë ndeshje që mund të vendosë sezonin. Skerdilaid Sulozeqi