Statistikat, Lushnja bën presion me sulmin
Canka: Nuk ndalemi, tani shënoj dhe fitojmë në Pogradec
Triumfi 2- 1 me Sh kumbinin ishte fi torja e pestë e verdhejeshilëve në fazën "Playoff", në gjashtë ndeshjet e luajtura deri më tani. Duke qenë se edhe Bylisi që i rivalizon ata ka ecur në të njëjtin hap, diferenca ka mbetur në +2, e pandryshuar që nga përfundimi i dy fazave. Por, tashmë ka mbetur edhe shumë pak garë dhe Lushnja mund të zgjedhë sepse ka disa alternative. Nëse barazon dy ndeshjet e fundit ose nëse fiton përballjen e fundit me Bylisin. Dy rrugë të ndryshme me destinacion të njëjtë: Superioren.
Sulmi
Edhe një herë, golat e lushnjarëve kanë qenë nën firmën e dyshes Canka-Sefa. Sulmi i lushnjarëve me Cankën dhe Sefën mbërriti në kuotën e 20 golave. Të dy sulmuesit e Lushnjës shënuan së bashku ndaj Shkumbinit. Këtë nuk e bënin që nga 18 shkurti në fitoren 4-0 ndaj Sopotit. Është hera e tretë sezonale që Canka dhe Sefa shënojnë bashkë në një ndeshje. Tashmë, Canka ka 12 gola dhe është shënuesi më i mirë i Lushnjës, ndërsa Sefa ka shënuar tetë gola. "Jemi shumë të kënaqur që morën tri pikët në transfertën e Peqinit sepse kemi mbetur në krye të grupit. Unë gjithnjë gëzoj kur shënoj dhe skuadra fiton. Të njëjtën gjë do të kërkojmë ta bëjmë edhe në Pogradec. Do të ndeshemi me një skuadër shumë cilësore, që luan një futboll shumë të mirë, ndaj po përgatitemi për të dhënë në Pogradec vlerat më të mira që ka Lushnja", u shpreh Canka në prononcimin e tij për gazetën. Pogradeci
Lushnjarët kanë nisur përgatitjet në kuadrin e ndeshjes me Pogradecin, që do ta luajnë këtë fundjavë në qytetin liqenor. Pogradeci është e vetmja skuadër që ka mundur Lushnjën në këtë sezon. Verdhejeshilët nuk kanë humbur asnjë transfertë në këtë kampionat duke regjistruar një tjetër rekord, në një sezon që e kanë dominuar që nga java e dytë, saktësisht që nga e diela e dy tetorit të vitit të kaluar duke mbetur në krye deri më tani kur kampionati është në përfundim të tij. Sipas të gjitha gjasave, Lushnja dhe Bylis do ta diskutojnë në finalen e javës së fundit se cila prej dy skuadrave do të ngjitet në Superiore.