Zhgënjim te Turbina, pritet "furtunë"
Disfata e pësuar në derbin ndaj Sopotit ka zhgënjyer pa dyshim gjithë kampin cërrikas. Tifozët e Turbinës shfaqen mjaft të indinjuar për humbjen në këtë trasfertë. Ajo që irriton më tepër sportdashësit cërrikas nuk është fakti i humbjes jashtë fushe, por mposhtja nga një ekip që është totalisht në krizë dhe për më tepër fitoi pa u stërvitur para kësaj ndeshjeje. Presidenti Gentian Gjoka dhe drejtuesit e klubit gjithashtu kanë qenë mjaft të zhgënjyer me paraqitjen e lojtarëve në këtë sfidë. Pritet që trajneri Sinan Bardhi të zhvillojë një analizë me tone kritike për mënyrën se si u humb ky takim. Tashmë ecuria e kampionatit komplikohet për cërrikasit. Florenc Manari