Sadiku, në formacionin e javës

Armando Sadiku dhe Ezgjan Alioski po kalojnë një formë të shkëlqyer në kampionatin zviceran dhe falë golave të tyre Lugano është katapultuar nga fundi i tabelës, ku rrezikohej seriozisht mbijetesa, në vendin e 5-të të renditjes, 17 pikë larg vendit të fundit dhe vetëm 3 pikë larg vendit të 4-t që kualifikohet për në Ligën e Europës. Në transfertën ndaj Jang Bojsit, Lugano fitoi 1-2 falë golave të Alioskit dhe Sadikut, duke regjistruar fitoren e 4-t radhazi. Paraqitja fantastike e dy futbollistëve shqiptarë nuk mund të lihej pa u vlerësuar nga e përditshmja "Blick", e cila i ka përfshirë në formacionin më të mirë të javës së 29-të në Superligën e Zvicrës.