Trafikonin armë, arrestohen 81 tifozë të Bokas
Policia argjentinase ka arrestuar 81 tifozë të Boka Zhuniorsit pasi zbuloi se ata transportonin armë zjarri në autobus gjatë kthimit në Buenos Aires pas një transferte në fushën e Atletiko Rafaela. Arrestimi i tyre u bë natën e së dielës në rrugën që lidh qytetin e Santa Fesë me Rozarion. Nën sedilje u gjetën 4 pistoleta, dy të kalibrit 9 mm dhe dy 22 mm. Dhe duke qenë se askush nuk e mori autorësinë e tyre, të gjithë pasagjerët u shoqëruan në rajonin më të afërt, pak më shumë se 300 km në veri të Buenos Airesit.