Gladbahu sfidon sot Frankfurtin

Sot në Gladbah skuadra vendëse pret Ajntraktin e Frankfurtit për luajtur një ndeshje që vlen një biletë për në finalen e Kupës të Gjermanisë. Në prag të këtij takimi, Diter Heking, trajneri i Mënshengladbah, tha se: "Do të na duhet të shfrytëzojmë avantazhin e faktorit fushë, pasi do të na mungojnë mjaft lojtarë vendimtarë si pasojë e dëmtimeve. Synimi ynë do të jetë që në fund të ndeshjes të mund t'i themi kundërshtarit: 'Mund të ikësh!'". Nga ana tjetër, trajneri i Frankfurtit, Niko Kovaç, tha se: "Mënshengladbah do të jetë favorite, pasi do të luajë në fushën e saj. Megjithëse edhe neve do të na mungojnë lojtarë, nuk do të shkojmë për t'iu dhuruar lojën".