Mungon edhe Lika me Vrapin
Mbrojtësi i Vllaznisë lë grumbullimin, klubi: Ka probleme shëndetësore
“Nuk më bëjnë këmbët", kthehet në... modë para Vllaznia"Klasikja" e mbijetesës fut në siklet edhe çështjet e zemrës. Pas Elis Bakajt, edhe Gilman Lika i shtohet listës. Shkodrani dje i ka kërkuar Mirel Josa se nuk do donte të luante kundër ekipit "mëmë". Pas konsultës që stafi ka bërë edhe me drejtuesit, ka qenë vetë Refik Halili që i ka dhënë "OK"-in. Lajmi konfirmohet zyrtarisht edhe prej klubit bardheblu. Mesfushori edhe dje u stërvit normalisht me ekipin, megjithatë nuk është grumbulluar dhe as do të jetë pjesë e formacionit në 90 minutat më të rëndësishme që vendosin mbijetesën e kryeqytetasve.
VRAPI LË ULQININ - Te Vllaznia del një tjetër çështje, por këtë herë mban emrin e Endri Vrapit. Mbrojtësi ka lënë dje grumbullimin në Ulqin, duke ngritur dyshime se edhe ai nuk dëshiron të luajë ndaj Tiranës. Megjithatë, është vetë klubi, që thotë të kundërtën. Në një bisedë me "Panorama Sport" nga Mali i Zi, ka qenë mjeku i ekipit, Zyhdi Çoba, i cili ka sqaruar se lojtari është i sëmurë. "Nuk ka lidhje me rastin e Bakjat. Vrapi, kur u nisëm për grumbullim, rrugës pati ethe. Më kërkoi termometrin, megjithatë duke qenë se çantat i kishim në bagazh, vetëm kur mbërritëm në hotel, kuptuam se
ishte me 38.5. E trajtuam, zhvilloi edhe stërvitje, megjithatë mbrëmjen e së martës i shkoi 40. E kemi gdhirë bashkë me të. Të nesërmen u kthyem në Shkodër dhe në Sanatorium bëmë një kontroll, çka konfirmoi se ishte me bronkopneumoni. Pas konsultës që bëmë me stafin, përtej dëshirës që lojtari kishte
që të qëndronte me ekipin, u pa e udhës që të ndalte grumbullim, pasi i sëmurë nuk e ndihmon ekipin. Në Shkodër s'mund të qëndronte se kishte nevojë për asistencë, ndaj i dhamë leje që të shkonte pranë familjes në Tiranë. Ka nisur një kurë me antibiotikë për 10 ditë", u shpreh mjeku i Vllaznisë.