Korçarët për revansh ndaj Partizanit, 17 muaj pa i mundur
Këtë sezon, Skënderbeu asnjëherë nuk ia ka dalë me dy ekipet rivale, që bëhet fjalë me Kukësin dhe Partizanin. Këtë javë bardhekuqtë do të presin në shtëpi ekipin e Partizanit, skuadër që në fakt jo vetëm që nuk e kanë mundur asnjëherë në këtë sezon, por kjo statistikë zgjat prej 17 muajsh. Fitorja e fundit e Skënderbeut është ajo e 19 dhjetorit të vitit 2015, kur juglindorët fituan 10 në atë takim dhe, qysh prej asaj dite, nuk kanë fituar asnjëherë. Pesë ndeshje të tjera janë luajtur që pas asaj dite dhe Partizani e ka mundur tri herë Skënderbeun, si në Korçë, por edhe në transfertë, ndërkohë që dy ndeshje të tjera janë mbyllur në barazim. Një bilanc pozitiv në 17 muajt e fundit për Partizanin, por në 10 ndeshjet e fundit të luajtura mes këtyre dy ekipeve në Korçë, Skënderbeu ka një bilanc pozitiv. 6 herë ka fituar Skënderbeu në 10 duelet e fundit në stadiumin "Skënderbeu", tri herë ka fituar Partizani dhe vetëm një ndeshje është mbyllur në barazimin 0-0. Skënderbeu ka një motiv më shumë për të fituar këtë fundjavë, pasi kërkon të paktën ta mbyllë këtë sezon në vendin e dytë dhe më shumë se kaq që të mposhtë të paktën një nga rivalët.