"U tregova i ndershëm, nuk do ta shoh as në TV"
Elis Bakajt nuk i bëjnë këmbët të luajë kundër Tiranës. Ai, në deklaratën e vetme të dhënë pas atij vendimi, tregoi edhe arsyet se përse zgjodhi këtë rrugë. "Kam vendosur të mos luaj në këtë ndeshje kundër Tiranës. Bardheblutë janë skuadra që unë dua, ndërkohë që edhe Vllaznia më ka respektuar shumë dhe unë e respektoj shumë. Për të mos u paragjykuar dhe meqë nuk ndihem në 100% në këtë ndeshje, vendosa të jem më i ndershëm edhe të heq dorë. Kontrata ime ka përfunduar me Vllazninë, e falënderoj për ndihmën që më ka dhënë këtë periudhë e gjithmonë, por tani më duhet të iki. E di që jam profesionist, por nuk ma bën zemra të luaj", pat thënë Bakaj për "Top Channel".